திருவண்ணாமலை மாவட்டத்தில் ஆங்கில புத்தாண்டையொட்டி, 2 நாட்களில் மட்டும் ரூ.10.5 கோடிக்கு மதுபானம் விற்பனை செய்யப்பட்டு உள்ளதாக தகவல் வெளியாகியுள்ளது.
.png)
டாஸ்மாக் சார்பில், திருவண்ணாமலை, வந்தவாசி, ஆரணி, செய்யாறு, போளூர் உட்பட திருவண்ணாமலை மாவட்டத்தில் 206 அரசு மதுக்கடைகள் இயங்கி வருகின்றன. இந்த கடைகள் மூலம், கடந்த 31-ந் தேதி மற்றும் 1-ந் தேதி என 2 நாட்கள் மதுபானம் விற்பனை அதிகளவில் நடந்துள்ளது. அதன்படி கடந்த 31-ந் தேதி ரூ.5 கோடியே 60 லட்சத்திற்கும், நேற்று 1-ம் தேதி ரூ.4 கோடியே 96 லட்சத்திற்கும் என ரூ.10 கோடியே 56 லட்சத்திற்கு மதுபானம் விற்பனை செய்யப்பட்டு உள்ளதாக தகவல் வெளியாகியுள்ளது.